كرهت الحب بـــــــــسبابك !!!!

كرهت الحب بـــــــــسبابك !!!!

ابرحل عنك صدقني كرهـت الحـب باسبابـك

ابرحل ما حنيت الراس لك يا خايـن العشـره

ابرحل واهجر ديارك وخلك في هوى احبابـك

ابرحل والغلا بينـي وبينـك منتهـي عصـره

ابرحل واترك الماضي وبمسح صفحة كتابـك

ابرحل عنك واسمعهـا أنـا طلّقتـك بعشـره

تعبت اكذب الواقع واصـدّق كذبـة اعجابـك

لأني عاشق ٍ مخلص ملكنـي حبّـك بسحـره

تعبت اراعي شعورك واغظ الطـرف بغيابـك

غشيم ٍ واحسبك وافي خدعت القلـب بالنبـره

رخصت الكل من شانك .. رضيت اتحمل عتابك

ولكن للأسف حبّي مـن افعالـك ذبـل زهـره

تحملتك على ظلمك وقلت الوقت يصفـى بـك

واشوفك تلعب بذيلك وغـدرك آه وش كبـره

وفوق الغدر تتمسكن وتخفـي السّـم بانيابـك

وتظهر دمعتك تبغي تغش اللي رخص عمـره

ولكن وفّـر دموعـك ترانـي خابـر العابـك

انا ماني مثل غيري ضعيف النفـس والقـدره

محيت اسمك وشقّقت الرسايل وانقفـل بابـك

ولا عاد المشاعر يتحرك من شوقهـا شعـره

كرهت اسلوبك الماكر كرهت اناظـر اهدابـك

وعفتك عقب ما بانت حقيقـة قلبـك وغـدره

مصير الوقت يثبتلك وفاي ويحـرق اعصابـك

وتتحسف على مافات منـك وتمتلـي حسـره

اقول ارحل فمان الله ولاني بحسـب حسابـك

مدام الغدر في دمـك توكـل لا تجـي بكـره

توكل لملم شتاتك معـاد الوقـت يحلـى بـك

توكل لا تحسـب أنـي بهـل بغيبتـك عبـره

بعلّمك الوفـا واشلـون ليـن الغـمّ ينتابـك

واجرعك العذاب اشكال دامك بـعت بالعشـره

تسلم اخوي على الطرح

يعطيك الف عاااااااااافيه

تقبل مروووري

الله يعطيك الف الف عافيه ع الطرح
ولاتحرمنا من كل جديدك
دمــت بؤؤد
_________________

» انواع البشر في الحب